شوية نكت جامدة

من طرف ro2a الأحد نوفمبر 11, 2007 8:22 pm

واحد غبى معدى على صوان وبيسأل هو فى ايه؟
فرد رجل وقال :ده اربعين واحد ميت
فقال الغبى:ينهار اسود 40 واحد ماتوا مره واحده
فقال الرجل:لأ ده واحد من اربعين يوم
فقال الغبى : ينهار اسود ولسه بتدفنوه النهارده
فقال الرجل : لأ دول دفنوه من اربعين يوم
فقال الغبى : ياه ولسه قاعدين لحد النهارده

واحد مسطول بيسأل واحد مسطول ثاني: اسم دولة أوروبية لو حطيت على أخر حرف فيها
نقطة تبقى اسم عالم ذرة
قام التاني قله أنا غلب حماري
قام الأول قله: الدولة هي قطر ولما تحط نقطة حتبقى قطز
قام التاني قاله هو قطز عالم ذرة ؟!؟
فرد عليه الأول: يعني هي قطر دولة أوروبية يا مسطول؟!؟

واحد معدى لقى ناس بتهيص قوى قالوهم فية اية
قالوله فى واحد بلدياتنا عايز ينط من سطح العمارة
قالهم خلاص انا طالعلة.. طلعلة وقاله عايز تنتحر لية
بلدياتنا قاله اصل انا غبى وكل الناس بتقول علي غبى
راح الراجل قايله: هاقولك فزوره لو حلتها ماتبقاش غبى .. حاجة اسمها زى شكلها
بلدياتنا: ماخبرش
الراجل: البيضة
اقولك واحدة تانية .. حاجتين اسمهم زى شكلهم
بلدياتنا :ماخبرش
الراجل: بيضتين
اقولك واحدة تالتة بسيطه و سهله .. حاجة كبيرة وسودة وبتجيب لبن واسمها جاموسة
بلدياتنا قاله: 3 بيضات
الراجل قام مديله بالشلوت موقعه وقايل له : موووت يا حماااار

رجل نساى اوى
راح للحج وفـ رمى الجمارات سال نفسه انا رميت اتنين ولاتلاته ؟ نسي ، فاعاد رميهم مره تانية
بعدين راح للطواف فسال نفسه مره تانية لفيت سته وله سبعه ؟ وطافهم تاني
وهو نازل من الطائره خاف يكون نسي حاجة
فبيسال نفسه: نسيت ايه ياجورج؟؟ نسيت ايه يا جووووورج ؟؟

مرة ولد صغير يروح كل للبقال يقوله "يا عمو يا عمو عندك جبنه بيضه" الراجل
يقوله "ايوة يا ابنى عندى" يقوله "طيب ادينى جبنه رومى" تانى يوم "يا عمويا
عمو عندك قلم رصاص يقوله ايوة يقوله طيب ادينى قلم جاف. لما الراجل زهقيا عينى
و طلعت عينه فقرر يشتكى لابو الولد. لما ابو الولد جه حكى لهالحكايه قام قال
للبقال "لا لا ميصحش الكلام دة ابدا اسمع انت معاك عصايه البقال قاله ايوة قاله
"خلاص اضربه قلمين

ــــــــــــــــــــــــــــــــــــــــــــــــــ ـــ

ونكت في السريع

مرة واحد عداه العيب خد اللي بعده

مرة واحد دماغه لفت قابلها من الشارع التاني

واحد اتجوز واحدة اسمها نعمة باسها وش و ضهر

مدير مدرسة عمل فرح وزع على المعازيم أرقام جلوس

واحد شحات راح لواحد عجلاتي قال له أعطيني مما أعطاك الله، قال له العجلاتي خد لك لفة

مدرس جغرافيا جاب لمراته هدية سلسلة جبال

واحد بلدياتنا عاوز يفسح عروسته في شهر العسل، فسحها في منحل

ان شاء الله تعجبكم
و ما تكونش مكررة